Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 197 Hüküm no: 245 Orijinal metin no: [22b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Derohi bt. Ohannes’in tahliye olunan evini kiraya verirken aldığı peşin paradan kiracısı Anna bt. Aslan’a iki yüz kırk guruş borcu olduğu Galata hâricinde Tomtom Mahallesi’nde mütemekkine Anna bt. Aslan nâm Nasrâniye Galata Bâb Mahkemesi’nde meclis-i şer‘de kezâlik şahsı mu‘arrefe Derohi bt. Ohannes nâm Nasrâniye muvâcehesinde ben mersûme Derohi Nasrâniye’nin mahalle-i mezkûrede vâki‘ bir bâb menzilinde müsteciri olup târih-i i‘lâmdan bir gün mukaddem fesh-i icâre-birle ben menzil-i mezkûrdan hurûc etmişidim lâkin menzil-i mezkûrun kirâ nâmıyla mersûme Derohi Nasrâniye’ye ber-vech-i peşin medfû‘um olan iki yüz kırk guruşu mersûme Derohi Nasrâniye’den istirdâd ederim deyü ba‘de’d-da‘vâ ve’l-ikrâr alâ-mûcibi ikrârihâ meblağ-ı mezkûr iki yüz kırk guruşun müdde‘iye-i mersûme Anna Nasrâniye’ye redd ü teslîmiyle mersûme Derohi Nasrâniye ilzâm olunduğu bi’l-iltimâs huzûr-ı âlîlerine i‘lâm olundu. Fî 9 Ca sene 1221.