Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 198 Hüküm no: 247 Orijinal metin no: [22b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kahveci Osman Beşe’nin haksız yere tüfeğini aldığı iddiasıyla Ali Beşe aleyhine açtığı davada iddiasını ispat edemediği Galata’da sâkin Kahveci Osman Beşe b. Mustafa nâm kimesne Galata Bâb Mahkemesi’nde meclis-i şer‘de Ali Beşe b. Hasan nâm kimesne muvâcehesinde mezbûr Ali Beşe târih-i i‘lâmdan iki sene mukaddem elli guruş kıymetli bir tüfengimi bi-gayr-ı hak ahz etmekle hâlâ aynı mevcûde ise aynını müstehlek ise ba‘de’s-sübût kıymet-i şer‘iyyesini mezbûr Ali Beşe’den taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını isbâta kādir ve tâlib-i tahlîf dahi olmamağın mûcebince müdde‘î-i mezbûr Osman Beşe da‘vâ-yı mezkûresiyle mezbûr Ali Beşe’ye bilâ-beyyine mu‘ârazadan men‘ olunduğu huzûr-ı âlîlerine i‘lâm olundu. Fî 8 Ca sene [1]221.