Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 201 Hüküm no: 253 Orijinal metin no: [23b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Geliri bekâr odası neferatının yiyeceklerine vakfedilmiş Bebek’teki bahçenin bahçıvanlar Ziso v. Resto, Yorgi v. Drako ve Kosta v. İstefan’a yıllık yüz altmış altı guruşa kiralandığı Hadîka-i hâssada vâki‘ bî-kâr odası neferâtının ta‘âmiyyelerine mevkūfe vakfın mütevellîsi Bostanî Mehmed Emin Ağa b. Ahmed mahrûse-i Galata’da meclis-i şer‘-i şerîf-i enverde bağçevân tâifesinden Ziso v. Resto ve Yorgi v. Drako ve Kosta v. İstefan zimmîler muvâcehelerinde vakf-ı mezbûr müstegallâtından olup mahrûse-i mezbûreye muzâfe Hümâyûnâbâd nâm-ı diğer Bebek karyesinde kâin ma‘lûmü’l-hudûd bir kıt‘a bahçeyi işbu bir kıt‘a i‘lâm mantûkunca senevî yüz altmış altı guruşa mersûmûna îcâr ve teslîm onlar dahi ber-minvâl-i muharrer istîcâr ve tesellüm ve kabûl etmişler idi el-hâletü hâzihî senesi tamamında icâre-i mezkûrenin on altı guruşunu bahçe-i merkūmenin mukāta‘a-i kadîmesi’çün kabza me’mûra teslîme müstecirlerim mesfûrûna emr ve tenbîh eylediğimde onlar dahi emrim üzere meblağ-ı merkūmun on altı guruşunu bahçe-i merkūme mukāta‘ası’çün kabzına me’mûra ve mâ‘adâ yüz elli guruşunu taraf-ı vakf-ı mezbûr için bana edâ ve teslîme herbiri müte‘ahhid oldular deyü ikrâr ve tasdîkleri bi’l-iltimâs. Fî 14 Ca sene [1]221.