Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 202 Hüküm no: 254 Orijinal metin no: [23b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Keresteci Sutiri’nin emânet verdiği mücevherlerini kendisine iade etmediği iddiasıyla Agop v. Zakar aleyhine açtığı davadan vazgeçtiği Derûn-ı arzuhâlde mesfûru’l-ism Keresteci Sutiri v. Apostol zimmî çarşamba günü Dîvân-ı âlîlerinde ba‘dehû mahrûse-i Galata Mahkemesi’nde ma‘kūd meclis-i şer‘-i münîrde arzuhâl eden Agop v. Zakar zimmî muvâcehesinde târih-i i‘lâmdan beş sene mukaddem mâlımdan mersûm Agop zimmî yedine îdâ‘ ve teslîm eylediğim biri üç yüz [guruş] kıymetli on aded elmas taşlı gül ve biri iki yüz elli guruş kıymetli bir aded elmas taşlı altın yüzüklerimi bana vermeyip yedinde kalmağla hâlâ taleb ederim deyü tasaddî eylediği da‘vâsından bâ-vesâtet-i muslihîn meccânen fâriğ olup zikrolunan yüzüklere ve kıymetlerine müte‘allika âmme-i da‘vâdan mersûm Agop zimmînin zimmetini ibrâ ve iskāt eyledikde ol dahi ber-vech-i muharrer ibrâsını kabûl-birle kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 14 Ca [Cemâziyelevvel sene 1221.]