Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 203 Hüküm no: 256 Orijinal metin no: [24a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çizmeci Artin v. Sağmon’un karzdan Babik v. Artin’den altmış guruş alacağı olduğu Sâhib-i arzuhâl Çizmeci Artin v. Sağmon zimmî Galata Bâb Mahkemesi’nde meclis-i şer‘de derûn-ı arzuhâlde mersûmü’l-ism Babik v. Artin zimmî muvâcehesinde mersûm Babik zimmî zimmetinde cihet-i karzdan altmış guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i muharrer müdde‘âsını lede’t-tezkiye makbûlü’ş-şehâde idükleri ihbâr olunan Aci Ağyar v. David ve Tatos v. Repayil zimmîler şehâdetleriyle mersûm Babik zimmî muvâcehesinde vech-i şer‘î üzere isbât etmeğin mûcebince meblağ-ı mezkûr altmış guruşu müdde‘î-i mersûm Artin zimmîye edâ ve teslîme mersûm Babik zimmîye tenbîh olunduğu tescîl ve mübâşirleri Ebûbekir Çavuş kulları yediyle huzûr-ı âlîlerine i‘lâm olundu. Fî 21 Ca sene [1]221.