Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 203 Hüküm no: 257 Orijinal metin no: [24a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Top Ustası Hacı Mehmed Said’in rüşvet olarak aldığı kırk guruşu Şerbetçi Ahmed Beşe’ye iâdesine karar verildiği Sâhib-i arzuhâl Şerbetçi Ahmed Beşe b. Hasan nâm kimesne Galata Bâb Mahkemesi’nde meclis-i şer‘de derûn-ı arzuhâlde mezkûrü’l-ism Top Ustası el-Hâc Mehmed Said b. Ahmed nâm kimesne muvâcehesinde mezbûr el-Hâc Mehmed Said beynimizde ma‘lûm bir husûs için bi-tarîkı’r-rüşve mâlımdan kırk guruşumu bi-gayr-ı hak ahz etmekle hâlâ istirdâd ederim deyü da‘vâ ettikde ol dahi cevâbında ber-vech-i muharrer tâyi‘an ve kat‘iyyen ikrâr u i‘tirâf etmeğin alâ-mûcibi ikrârihi meblağ-ı mezkûr kırk guruşu müdde‘î-i mezbûr Ahmed Beşe’ye redd ü teslîme mezbûr el-Hâc Mehmed Said’e tenbîh olunduğu mübâşirleri es-Seyyid Hasan Çavuş kulları yediyle huzûr-ı âlîlerine i‘lâm olundu. Fî 18 Ca sene [1]221.