Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 208 Hüküm no: 265 Orijinal metin no: [24b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Hasan Çelebi’nin yoğurthanedeki hissesini gösteren temessüğünü haksız yere elinden aldığını iddia ettiği Klaratin Mukataası Emini Abdülkerim Ağa aleyhine açtığı davada iddiasını ispat edemediği Sâhib-i arzuhâl es-Seyyid Hasan Çelebi Galata Mahkemesi’nde izzetlü bostancıbaşı ağa kulları tarafından Çukadâr Ebûbekir mübâşeretiyle meclis-i şer‘a ihzâr ettirdiği Klaratin mukāta‘ası [Emîni] Abdülkerim Ağa muvâcehesinde işbu der-kenârda mezkûr yoğurthânede hisse-i ma‘lûmem olduğunu nâtıka yedimde olan temessüğümü mezbûr Abdülkerim Ağa bir takrîb yedimden ahz etmekle bi-a‘yânihâ istirdâd ederim deyü da‘vâ mezbûr Abdülkerim Ağa dahi külliyyen inkâr edip müdde‘î-i mezbûr ber-vech-i muharrer müdde‘âsına ikāmet-i beyyineden izhâr-ı acz edip tâlib-i tahlîf dahi olmamağın mûcebince müdde‘î-i mezbûr ber-vech-i meşrûh temessük da‘vâsıyla mezbûr Abdülkerim Ağa’ya bilâ-beyyine mu‘ârazadan men‘ olunduğu huzûr-ı âlîlerine [i‘lâm olundu.]