Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 209 Hüküm no: 267 Orijinal metin no: [25a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalpakçı Sarandi’nin karzdan Yahûdi Lefter’den yetmiş üç guruş alacağı olduğu Kalpakçı Sarandi v. Hıristo nâm zimmî Galata Bâb Mahkemesi’nde meclis-i şer‘de Galatalı Lefter v. Tesil nâm Yahûdi muvâcehesinde Yahûdi-i mersûm zimmetinde bir kıt‘a Yahûdiyyü’l-ibâre temessük mantûkunca cihet-i karzdan yetmiş üç guruş alacak hakkım olmağla hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı mezkûr yetmiş üç guruşun müdde‘î-i mersûm Sarandi zimmîye edâsıyla Yahûdi-i mersûm ilzâm olunduğu bi’l-iltimâs huzûr-ı âlîlerine i‘lâm olundu. Fî 28 Ca sene [1]221.