Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 836 Hüküm no: 1089 Orijinal metin no: [131b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Abdullah’ın kardeşi Parşih’in açtığı alacak davasından vazgeçtiği Hadîka-i hâssa bostancılarından Mustafa b. Abdullah nâm kimesne meclis-i şer‘-i şerîfde li ebeveyn karındaşı olup mahmiye-i İstanbul’da Vezir hanı’nda sâkin bâzirgân tâifesinden bâ‘isü’s-sifr Parşih v. Avanos nâm zimmî mahzarında tav‘an ikrâr ve takrîr-i kelâm edip bundan akdem bin beş yüz dirhem on beş külçe gümüşümün her yüz dirhemi on beş guruşa bana bey‘ ediverip semenini benim için i‘mâl etmek üzre mezbûr Parşih’e teslîm edip ol dahi yedimden ahz u kabz etmişidi, da‘vâ ettiğimde ol dahi inkâr etmeğin beynimizde nice kīl [u] kāl vâki‘ olmuşidi, hâlâ da‘vâ-yı mezbûrumdan mezbûr Parşih’in zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledim min ba‘d husûs-ı mezbûra müte‘allika mezbûr Parşih üzerine benden bi’l-asâle ya vekîlimden bi’l-vekâle da‘vâ sudûr ederse lede’l-hükkâmi’l-kirâm mesmû‘a ve makbûle olmasın dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâlis aşer min Şevvâli’l-mükerrem li sene seb‘a ve seb‘în ve elf. Şuhûdü’l-hâl: İbrahim Beşe b. el-Hâc Rıdvan, çukadâr Hasan b. Abdullah, Bâli Bey b. Mahmud, Mustafa Çelebi b. Ahmed, Süleyman b. Receb, Sâlih Çelebi b. Ali.