Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 214 Hüküm no: 276 Orijinal metin no: [26a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mehmed Ârif’in kendisine itâat etmediği iddiasıyla karısı Şerife Emine Hatun aleyhine açtığı davada davalının kocasına itâat etmesinin öğütlendiği Galata hâricinde Kalafatçıbaşı Mahallesi’nde sâkin es-Seyyid Mehmed Ârif b. Hasan nâm kimesne Galata Bâb Mahkemesi’nde meclis-i şer‘de zevce-i medhûlün-bihâsı mu‘arrefetü’z-zât Şerife Emine bt. es-Seyyid Halil nâm hatun muvâcehesinde mezbûre Şerife Emine Hatun zevce-i medhûlün-bihâm olup mehr-i mu‘accelini kendiye îfâ etmişiken bana itâ‘at ve inkıyâddan ibâ vü imtinâ‘ etmekle bana itâ‘at ve inkıyâda zevcem mezbûre Şerife Emine Hatun’a tenbîh olunmak matlûbumdur deyü da‘vâ ettikde ol dahi ber-vech-i muharrer ikrâr u i‘tirâf etmeğin alâ-mûcibi ikrârihâ zevci müdde‘î-i mezbûr es-Seyyid Mehmed Ârif’e itâ‘at ve inkıyâda zevcesi mezbûre Şerife Emine Hatun’a tenbîh olunduğu bi’[l]-iltimâs [huzûr-ı âlîlerine i‘lâm olundu.] Fî 2 C sene [1]221.