Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 216 Hüküm no: 280 Orijinal metin no: [26b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Duhanî Dimitri v. Yani’nin karzdan Ananosti v. Nikite’den beş yüz sekiz guruş alacağı olduğu Mahmiye-i İstanbul’da mütemekkin Duhânî Dimitri v. Yani zimmî Galata Bâb Mahkemesi’nde meclis-i şer‘de Galata’da mütemekkin Ananosti v. Nikite zimmî muvâcehesinde mersûm Ananosti zimmî zimmetinde bâ-temessük cihet-i karzdan beş yüz sekiz guruş alacak hakkım olmağla hâlâ taleb ederim deyü da‘vâ eyledikde ol dahi cevâbında ber-vech-i muharrer tâyi‘an ve kat‘iyyen ikrâr u i‘tirâf etmeğin alâ-mûcibi ikrârihi meblağ-ı mezkûr beş yüz sekiz guruşun müdde‘î-i mersûm Dimitri zimmîye edâsıyla mersûm Ananosti zimmî ilzâm olunduğu bi’l-iltimâs [huzûr-ı âlîlerine i‘lâm olundu.] Fî 5 C sene [1]221.