Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 220 Hüküm no: 290 Orijinal metin no: [27b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yağlıkçı Mustafa Ağa’nın yağlıkçı emtiası bedelinden alacağını taksitle ödemesi için Rukiye Hatun’a izin verdiği Yağlıkçı Mustafa Ağa b. Ahmed Galata’da mahfil-i kazâda zâtı şer‘an mu‘arrefe Rukiye Hatun bt. İsmail muvâcehesinde mezbûre Rukiye Hatun zimmetinde beynimizde ma‘lûm yağlıkçı emti‘ası semenlerinden ba‘de külli’l-hisâb sahhe’l-bâkī alacağım olan on dokuz guruşu hâlâ edâya iktidârı yokdur deyü ber-vech-i âtî te’cîle râgıbe olmağla ben dahi beher şehr bana üçer guruş verip târih-i i‘lâmdan altı ay on gün tamamına değin edâ etmek üzere bi’r-rızâ mezbûreyi te’cîl ve taksît eylediğimde ol dahi ber-minvâl-i meşrûh on dokuz guruşu müeccelen ve mukassatan edâya ta‘ahhüd eyledi deyü ikrâr ve tasdîkleri tescîl ve huzûr-ı âlîlerine i‘lâm olundu. Fî 2 C sene [1]221.