Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 220 Hüküm no: 291 Orijinal metin no: [27b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf Beşe’nin bakar bedelinden yetmiş iki guruş alacağı olduğu iddiasıyla Aci Artin aleyhine açtığı davada iddiasını ispat edemediği Yusuf Beşe b. Ahmed nâm kimesne Galata Bâb Mahkemesi’nde meclis-i şer‘de Aci Artin v. Kazar nâm zimmî muvâcehesinde mersûm Aci Artin zimmî zimmetinde bundan akdem safka-i vâhide ile yedimden ve mâlımdan iştirâ ve kabz eylediği dört re’s bakar semeninden yetmiş iki guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mezbûr Yusuf Beşe ber-vech-i muharrer müdde‘âsına ikāmet-i beyyine edemeyip bi’t-taleb mersûm Aci Artin zimmî ba‘de’t-tahlîfü’ş-şer‘î mûcebince müdde‘î-i mezbûr Yusuf Beşe da‘vâ-yı mezkûresiyle mersûm Aci Artin zimmîye bilâ-beyyine mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 8 C sene [1]221.