Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 221 Hüküm no: 292 Orijinal metin no: [27b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa b. Osman’ın Mahmud Ağa b. Ahmed’den yüz on beş guruş alacağı olduğu Galata’ya muzâfe kasaba-i Beşiktaş’da sâkin Ahmed Ağa b. Osman nâm kimesne Galata Bâb Mahkemesi’nde meclis-i şer‘de Mahmud Ağa b. Ahmed nâm kimesne muvâcehesinde mezbûr Mahmud Ağa’nın gāib ani’l-meclis Teberdâr el-Hâc Mustafa b. Abdullah nâm kimesneye cihet-i karzdan deyni olan yüz guruşu bi-şartü’r-rücû‘ emriyle gāib-i mezbûr el-Hâc Mustafa’ya edâ ve teslîme ve yine mezbûr Ahmed Ağa’nın kezâlik bi-şartü’r-rücû‘ emriyle âhardan iştirâ ve zevcesine teslîm eylediğim vezn ve fiyatı beynimizde ma‘lûm revgan-ı sâde ve asel semenlerinden on beş guruş ki cem‘an yüz on beş guruşu hâlâ bi’l-mürâca‘a mezbûr Mahmud Ağa’dan taleb ederim deyü da‘vâ eyledikde ol dahi ber-vech-i muharrer ikrâr u i‘tirâf etmeğin mûcebince meblağ-ı mecmû‘-ı mezkûr yüz on beş guruşu müdde‘î-i mezbûr Ahmed Ağa’ya edâsıyla mezbûr Mahmud Ağa ilzâm olunduğu bi’[l]-iltimâs huzûr-ı âlîlerine i‘lâm olundu. Fî 11 C sene [1]221.