Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 223 Hüküm no: 296 Orijinal metin no: [28a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. Mehmed’in kendisine ait bazı eşyaları haksız yere aldığı iddiasıyla oğlu Demirci Mehmed Beşe aleyhine açtığı davada iddiasını ispat edemediği Mahrûse-i Galata’da Emekyemez Mahallesi’nde sâkine derûn-ı arzuhâlde mezkûrü’l-ism mu‘arrefetü’z-zât Hadice bt. Mehmed nâm hatun Galata’da mahfil-i kazâda arzuhâl eden oğlu Demirci Mehmed Beşe b. el-Hâc Ali nâm kimesne muvâcehesinde mezbûr Mehmed Beşe mahalle-i merkūmede vâki‘ menzilim derûnunda mevcûde beş yüz guruş kıymetli eşyâ-i mütenevvi‘a-yı ma‘lûmemi bi-gayr-ı hakkın ahz etmekle mevcûde ise aynılarını müstehlek ise ba‘de’s-sübût kıymet-i şer‘iyyelerini taleb ederim deyü da‘vâ eyledikde ol dahi cevâbında husûs-ı mezkûru ba‘de’l-inkâr müdde‘iye-i mezbûre ber-vech-i muharrer müdde‘âsına ikāmet-i beyyine edemeyip tahlîfe dahi tâlibe olmamağın mûcebince müdde‘iye-i mezbûre Hadice Hatun da‘vâ-yı mezkûresiyle mezbûr Mehmed Beşe’ye bilâ-beyyine mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 6 C sene [1]221.