Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 224 Hüküm no: 298 Orijinal metin no: [28a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. Mehmed’in on sekiz guruş mehir alacağı olduğu iddiasıyla eski kocası Mehmed Salih Beşe aleyhine açtığı davada dokuz guruşa sulh olduğu Galata’ya muzâfe kasaba-i Tophane’de Firuz Ağa Mahallesi’nde sâkine mu‘arrefetü’z-zât Hadice bt. Mehmed nâm hatun Galata Bâb Mahkemesi’nde meclis-i şer‘de zevc-i mutallıkı topçu neferâtından Mehmed Salih Beşe b. Mehmed nâm kimesne muvâcehesinde mezbûr Mehmed Salih Beşe zevc-i dâhilim iken târih-i i‘lâmdan üç ay mukaddem beni bâyinen tatlîk etmekle zimmetinde mütekarrir ve ma‘kūdun-aleyh mehr-i müeccel hakkım olan on sekiz guruşu hâlâ taleb ederim deyü tasaddî eylediğim da‘vâmdan bâ-tavassut-ı muslihîn mezbûr Mehmed Salih Beşe ile dokuz guruş bedel-i makbûza ba‘de’s-sulh ve’l-kabûl mâ‘adâ dokuz guruşa ve bedel-i sulh-ı mezkûra müte‘allika da‘vâdan herbirimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri bi’[l]-iltimâs huzûr-ı âlîlerine i‘lâm olundu. Fî 6 C sene [1]221.