Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 233 Hüküm no: 315 Orijinal metin no: [30a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Habbaz Seyyid İsmail Efendi’nin karzdan alacağı olduğu iddiasıyla Manav Seyyid Ahmed aleyhine açtığı davada iddiasını ispat edemediği Habbâzdan es-Seyyid İsmail Efendi b. Ahmed nâm kimesne Galata Bâb Mahkemesi’nde meclis-i şer‘de Manav es-Seyyid Ahmed b. Mehmed nâm kimesne muvâcehesinde işbu yedimde olan bir kıt‘a deyn temessüğü nâtık olduğu üzere mezbûr es-Seyyid Ahmed bin iki yüz on yedi senesi Saferi’l-hayr’ın on beşinci günü mahmiye-i İstanbul’da Devoğlu Medresesi’nde Mustafa Efendi nâm kimesne[nin] beytûtet eylediği odada mâlımdan ve yedimden istikrâz ve kabz eylediği iki yüz elli guruşu bana vermeyip zimmetinde kalmağla hâlâ taleb ederim deyü da‘vâ ettikde ol dahi cevâbında külliyyen ba‘de’l-inkâr müdde‘î-i mezbûr ber-vech-i muharrer müdde‘âsına şâhid olmak üzere meclis-i şer‘a ikāmet eylediği iki nefer kimesneler müdde‘î-i mezbûrun da‘vâ-yı mezkûresine mutâbık edâ-yı şehâdet-i şer‘iyye edememeleriyle cerh olunup şâhid-i âhar ikāmetinden dahi izhâr-ı acz etmeğin bi’t-taleb mezbûr es-Seyyid Ahmed ba‘de’t-tahlîfü’ş-şer‘î mûcebince müdde‘î-i mezbûr es-Seyyid İsmail Efendi meblağ-ı mezkûr iki yüz elli guruş mütâlebesiyle mezbûr es-Seyyid Ahmed’e bilâ-beyyine-i âdile mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 3 Receb sene 1221.