Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 234 Hüküm no: 317 Orijinal metin no: [30b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dimitri v. Panayot’un haksız yere aldığı para ve eşyaları Covani v. Nikola’ya iâdesine karar verildiği Bâ‘isü’l-i‘lâm Covani v. Nikola nâm zimmî Galata Bâb Mahkemesi’nde meclis-i şer‘de Dimitri v. Panayot muvâcehesinde mersûm Dimitri nakden iki yüz guruşu ile dokuz deste fes ve beş aded Mağrib şalımı bi-gayr-ı hak ahz ve hâlâ yedinde mevcûde olmağla taleb ederim deyü da‘vâ ettiğimde ol dahi cevâbında meblağ-ı mezkûr iki yüz guruş ve zikrolunan dokuz deste fes ve beş aded Mağrib şalını müdde‘î-i mersûmun mâlı olmak üzere bi-gayr-ı hakkın ahzını ve hâlâ yedinde mevcûde olduğunu tâyi‘an ve kat‘iyyen ikrâr u i‘tirâf etmeğin alâ-mûcibi ikrârihi meblağ-ı mezkûr iki yüz guruş ile zikrolunan dokuz deste fes ve beş aded şalları müdde‘î-i mesfûr Covani zimmîye bi-a‘yânihâ redd ü teslîme mersûm Dimitri’ye tenbîh olunduğu bi’[l]-iltimâs mübâşirleri Dîvân-ı âlî çavuşlarından Mehmed Emin Çavuş kulları yediyle huzûr-ı âlîlerine i‘lâm olundu. Fî 20 C sene [1]221.