Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 235 Hüküm no: 318 Orijinal metin no: [30b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Naile bt. Abdullah’a küfrettiği şahitlerle ispat olunan Keresteci Hacı İbrahim’e tazir lazım geldiği Galata’da Emekyemez Mahallesi’nde sâkine mu‘arrefetü’z-zât Nâile bt. Abdullah nâm hatun Galata Bâb Mahkemesi’nde meclis-i şer‘de yine mahalle-i mezbûrede sâkin Keresteci el-Hâc İbrahim b. Mehmed Salih nâm kimesne muvâcehesinde mezbûr el-Hâc İbrahim târih-i i‘lâmdan bir gün mukaddem sâkine olduğum menzilim kapısı önünde sûkda “bre kahbe ve bre pezevenk” deyü muvâcehemde bana şetm etmekle mûcib-i şer‘îsini taleb ederim deyü ba‘de’d-da‘vâ ve’l-inkâr müdde‘iye-i mezbûre Nâile Hatun ber-vech-i muharrer müdde‘âsına mahallinde lede’t-tezkiye makbûlü’ş-şehâde idükleri ihbâr olunan Ali Beşe b. Mustafa nâm kimesne ile Ümmügülsüm bt. İshak ve Râbia bt. Abdullah nâm hatunlar şehâdetleriyle mezbûr el-Hâc İbrahim muvâcehesinde vech-i şer‘î üzere isbât etmeğin mûcebince mezbûr el-Hâc İbrahim’e ta‘zîr lâzım geldiğini bi’l-iltimâs huzûr-ı âlîlerine i‘lâm olundu. Fî 21 C sene 1221.