Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 236 Hüküm no: 321 Orijinal metin no: [30b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zino v. Yani’nin emanet ettiği parasını yerine ulaştırmayan Tâcir Mahmud Beşe aleyhine açtığı davada davalının parayı iade etmesine karar verildiği Bakkāl esnâfından Zino v. Yani nâm zimmî Galata Bâb Mahkemesi’nde meclis-i şer‘de tüccârdan Mahmud Beşe b. Zekeriya nâm kimesne muvâcehesinde vilâyet-i Rumeli’de İslimye kazâsında mütemekkin anam Melno Nasrâniye’nin dâyini kazâ-i mezbûrede sâkin Tatar Mehmed’e ver deyü mezbûr Mahmud Beşe yedine mâlımdan teslîm eylediğim altmış beş guruşu [vech-i meşrûh] üzere gāib-i mezbûr Mehmed’e teslîm etmeyip yedinde kalmağla hâlâ geri taleb ederim deyü da‘vâ eyledikde ol dahi ber-vech-i muharrer ikrâr u i‘tirâf etmeğin mûcebince meblağ-ı mezkûr altmış beş guruşu müdde‘î-i mersûm Zino zimmîye edâsıyla mezbûr Mahmud Beşe ilzâm olunduğu bi’[l]-iltimâs huzûr-ı âlîlerine i‘lâm olundu. Fî 26 C sene [1]221.