Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 840 Hüküm no: 1094 Orijinal metin no: [132a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Halil b. Ali Bey adlı çocuğa nafaka takdir edildiği Hâkim, Halil b. Ali Bey nâm sagīrin nafakası, kisvesi ve sâir havâic-i zarûriyyesi için, medîne-i mahmiye-i Kostantıniyye mahallâtından Hatice Sultan mahallesinde sâkine olan hâmile-i hâze’l-kitâb Sâime bt. Halil nâm mutallaka annesi ve hâdinesinin talebiyle mezbûr Ali Bey üzerine, zeylde mezkûr târihden i‘tibâren yevmî râyicü’l-vakt beş akçe farz ve takdîr etti ve meblağ-ı mefrûz-i mezbûru sagīr-i mezkûrun havâic-i lâzımesine sarf etmesine ve vakt-i hâcette istidâne edip vakt-i zaferde zevc-i mutallıkına rücû‘ etmesine mezkûre Sâime hâtuna izin verdi. Cerâ zâlike ve hurrire fi’l-yevmi’s-sânî aşere min Şevvâli’l-mükerrem sene seb‘a ve seb‘în ve elf. Şuhûdü’l-hâl: Mehmed Bey b. Abdullah, Mustafa b. Yusuf, Resul [b.] Rıdvan, Mustafa Çelebi b. el-Hâc Ahmed, Abdi Çelebi b. Hüseyin.