Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 840 Hüküm no: 1095 Orijinal metin no: [132a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Arslan b. Mahmud’un, karısı Turan bt. Mahmud’a nafaka vereceği Mahmiye-i İstanbul’da Karabaş mahallesi sükkânından Arslan b. Mahmud nâm kimesne meclis-i şer‘-i şerîf-i lâzımü’t-teşrîfde bâ‘isetü’l-kitâb zevcesi Turan bt. Mahmud nâm hâtun mahzarında ikrâr ve takrîr-i kelâm edip mezbûre Turan âhar mahalde olup ben dahi gayr mahalde olmağla mezbûre Turan’ın nafakası için beher yevm beşer akçe vermeye üzerime farz ve takdîr eyledim dedikde gıbbe’t-tasdîki’l-mu‘teber mâ hüve’l-vâki‘ bi’t-taleb ketb olundu. Fi’l-yevmi’r-râbi‘ aşer min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Şükrullah Bey b. Mustafa, Abdi Çelebi b. Mahmud, İbrahim Çelebi b. Ahmed, Resul [b.] Rıdvan, Veli b. Mahmud.