Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 241 Hüküm no: 330 Orijinal metin no: [31b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. A‘mâ Mehmed b. Halil’in Ahmed Reis’den yetmiş beş guruş alacağı olduğu Galata’da sâkin A‘mâ Mehmed b. Halil nâm kimesne Galata Bâb Mahkemesi’nde meclis-i şer‘de sefîne reislerinden Ahmed Reis b. Mustafa nâm kimesne muvâcehesinde fâide-i hâsılası beynimizde münâsafaten olmak üzere bi-tarîkı’l-mudârabe mezbûr Ahmed Reis yedine bundan akdem mâlımdan def‘ u teslîm eylediğim yüz elli guruş kable’l-i‘mâl fesh-i akd-i mudârabe-birle meblağ-ı mezbûrun yetmiş beş guruşunu reis-i mezbûr yedinden ba‘de’l-ahz bâkī yedinde kalan yetmiş beş guruşu reis-i mezbûrdan taleb ederim deyü da‘vâ ettikde ol dahi cevâbında ber-vech-i muharrer ikrâr u i‘tirâf etmeğin alâ-mûcibi ikrârihi meblağ-ı bâkī-i mezkûr yetmiş beş guruşun müdde‘î-i mezbûr A‘mâ Mehmed’e redd ü teslîmiyle mezbûr Ahmed Reis ilzâm olunduğu bi’l-iltimâs [huzûr-ı âlîlerine i‘lâm olundu.] Fî 27 C sene [1]221.