Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 241 Hüküm no: 331 Orijinal metin no: [31b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mellâh Ali Beşe’nin beygir bedelinden alacağı olduğu iddiasıyla Osman Beşe aleyhine açtığı davada otuz beş guruşa sulh olduğu Mellâh Ali Beşe b. Mustafa nâm kimesne Galata Bâb Mahkemesi’nde meclis-i şer‘de Osman Beşe b. Hasan muvâcehesinde mezbûr Osman Beşe zimmetinde bundan akdem yedimden iştirâ ve kabz eylediği bir re’s bârgir semeninden kırk guruş alacak hakkım olmağla hâlâ taleb ederim deyü tasaddî eylediğim da‘vâmdan bâ-tavassut-ı muslihîn mezbûr Osman Beşe ile otuz beş guruşa ba‘de’s-sulh ve’l-kabûl bedel-i sulh-ı mezkûrdan mâ‘adâ beş guruşa müte‘allika da‘vâdan mezbûr Osman Beşe’nin zimmetini kabûlü hâvî ba‘de’l-ibrâ bedel-i sulh-ı mezkûr otuz beş guruş mezbûr Osman Beşe’nin zimmetinde kalmağla hâlâ taleb ederim deyü ba‘de’d-da‘vâ ve’l-ikrâr mûcebince bedel-i sulh-ı mezkûr otuz beş guruşu müdde‘î-i mezbûr Ali Beşe’ye edâ ve teslîme mezbûr Osman Beşe’ye tenbîh olunduğu bi’l-iltimâs [huzûr-ı âlîlerine i‘lâm olundu.] Fî 28 C sene [1]221.