Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 244 Hüküm no: 336 Orijinal metin no: [32a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Zeyneb Hatun’un tedârik edilen başka bir evde oturmak kaydıyla kocası Ali Beşe’ye itâat etmesine karar verildiği Galata’ya muzâfe kasaba-i Kasımpaşa’da Tahtakadı Mahallesi’nde sâkin Ali Beşe b. Hasan Galata Bâb Mahkemesi’nde meclis-i şer‘de zevce-i medhûlün-bihâsı mu‘arrefetü’z-zât Şerife Zeyneb bt. Abdullah nâm hatun muvâcehesinde mezbûre Şerife Zeyneb Hatun zevce-i medhûlün-bihâm olup mehr-i mu‘accelini kendiye îfâ etmişiken işbu hâzıra bi’l-meclis kayınvâlidem Fâtıma Hatun’un menzilinde nâşizeten sâkine olup bana itâatden ibâ vü imtinâ‘ etmekle suâl olunup benim halk ve murâfıkı başka tedârük eylediğim menzilime gelip bana itâate zevcem mezbûre Şerife Zeyneb Hatun’a tenbîh olunmak matlûbumdur deyü da‘vâ ettikde ol dahi cevâbında ber-vech-i muharrer ikrâr u i‘tirâf etmeğin mûcebince zevci mezbûr Ali Beşe ber-vech-i muharrer tedârük eylediği menzilde zevci mezbûra itâ‘at ve inkıyada zevcesi mezbûre Şerife Zeyneb Hatun’a tenbîh olunduğu bi’l-iltimâs [huzûr-ı âlîlerine i‘lâm olundu.] Fî selhi C sene [1]221.