Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 244 Hüküm no: 337 Orijinal metin no: [32b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Oturakçı Seyyid Hacı Süleyman’ın eşya bedelinden Kahveci Abdullah Beşe’den seksen bir buçuk guruş alacağı olduğu Galata’da Azab[kapısı] hâricinde sâkin Oturakçı es-Seyyid el-Hâc Süleyman Ağa b. es-Seyyid Ahmed nâm kimesne Galata Bâb Mahkemesi’nde meclis-i şer‘de Kahveci Abdullah Beşe b. Yusuf nâm kimesne muvâcehesinde mezbûr Abdullah Beşe zimmetinde safka-i vâhide ile yedimden iştirâ ve kabz eylediği bir çuka şalvar ve bir çuka yelek ve bir çuka nimten semeninden seksen altı buçuk guruşdan bâkī seksen bir buçuk guruş alacak hakkım olmağla hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr seksen bir buçuk guruşun müdde‘î-i mezbûr es-Seyyid el-Hâc Süleyman Ağa’ya edâsıyla mezbûr Abdullah Beşe ilzâm olunduğu bi’[l]-iltimâs huzûr-ı âlîlerine i‘lâm olundu. Fî 4 Receb sene [1]221.