Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 246 Hüküm no: 342 Orijinal metin no: [32b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sarraf Avanis v. Arakil’in karzdan Yanaki v. Paskal’dan dokuz yüz guruş alacağı olduğu Galata’da Karaköy nâm mahalde mütemekkin Sarraf Avanis v. Arakil nâm zimmî Galata Bâb Mahkemesi’nde meclis-i şer‘de Yanaki v. Paskal nâm zimmî muvâcehesinde mersûm Yanaki zimmî zimmetinde bâ-temessük cihet-i karzdan bin yüz guruşdan bâkī dokuz yüz guruş alacak hakkım olmağla hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr dokuz yüz guruşun müdde‘î-i mersûm Avanis zimmîye edâsıyla mersûm Yanaki zimmî ilzâm olunduğu bi’l-iltimâs huzûr-ı âlîlerine i‘lâm olundu. Fî 8 Receb sene [1]221.