Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 252 Hüküm no: 352 Orijinal metin no: [33b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Reis b. İsmail’in karzdan Seyyid Hasan Beşe’den otuz guruş alacağı olduğu Sefîne reislerinden Ahmed Reis b. İsmail nâm kimesne meclis-i şer‘de ashâb-ı sefâyinden es-Seyyid Hasan Beşe b. es-Seyyid Mehmed nâm kimesne muvâcehesinde mezbûr es-Seyyid Hasan Beşe zimmetinde cihet-i karzdan otuz guruş alacak hakkım olmağla hâlâ taleb ederim deyü da‘vâ ettikde ol dahi cevâbında benim müdde‘î-i mezbûr zimmetinde cihet-i karzdan ol kadar guruş alacak hakkım olmağla meblağ-ı merkūma takāsan kabz etmişidim deyü eylediği da‘vâsına ikāmet-i beyyine edemeyip bi’t-taleb müdde‘î-i mezbûr Ahmed Reis ba‘de’t-tahlîfü’ş-şer‘î mûcebince meblağ-ı merkūm otuz guruşu müdde‘î-i mezbûr Ahmed Reis’e edâ ve teslîme mezbûr es-Seyyid Hasan Beşe’ye tenbîh olunduğu bi’[l]-iltimâs [huzûr-ı âlîlerine i‘lâm olundu.] Fî 11 Receb sene [1]221.