Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 253 Hüküm no: 354 Orijinal metin no: [34a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Korfulu Nikola v. Yani’nin karzdan Uskohi bt. Ohannes’ten dört yüz guruş alacağı olduğu Korfulu Nikola v. Yani Galata Bâb Mahkemesi’nde meclis-i şer‘-i münîrde mu‘arrefetü’ş-şahs Uskohi bt. Ohannes Nasrâniye muvâcehesinde Nasrâniye-i mersûme zimmetinde cihet-i karzdan dört yüz [guruş] alacak hakkım olmağla hâlâ taleb ederim deyü [da‘vâ] ol dahi ber-vech-i muharrer tâyi‘aten ve kat‘iyyeten ikrâr u i‘tirâf etmeğin mûcebince meblağ-ı merkūm dört yüz guruşun müdde‘î-i mersûm Nikola’ya edâsıyla mersûme Uskohi Nasrâniye ilzâm olunduğu bi’[l]-iltimâs huzûr-ı âlîlerine i‘lâm olundu. Fî-gurreti Receb sene [1]221.