Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 255 Hüküm no: 359 Orijinal metin no: [34b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Andon v. Moheb’in karzdan ve kira ücretinden Saka Ali Beşe’den altmış altı guruş alacağı olduğu Galata’da Sultan Bayezid Mahallesi’nde mütemekkin Andon v. Moheb nâm zimmî Galata Bâb Mahkemesi’nde meclis-i şer‘de Saka Ali Beşe b. Osman nâm kimesne muvâcehesinde mezbûr Ali Beşe zimmetinde cihet-i karzdan kırk beş guruş ve Galata’da Kemankeş Karamustafapaşa Mahallesi’nde mumhâne kurbünde vâki‘ mezbûr Ali Beşe’ye îcâr ve teslîm eylediğim bir bâb berber dükkânı icâresinden dahi yirmi bir guruş ki cem‘an altmış altı guruş alacak hakkım olmağla hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mecmû‘-ı mezkûr altmış altı guruşu müdde‘î-i mersûm Andon zimmîye edâsıyla mezbûr Ali Beşe ilzâm olunduğu huzûr-ı âlîlerine i‘lâm olundu. Fî 9 Receb sene [1]221.