Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 256 Hüküm no: 361 Orijinal metin no: [34b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Boyacı Aci Kostantin’in karzdan Katozlu Aci Varsimi’den dokuz yüz elli guruş alacağı olduğu Mahrûse-i Galata’da vâki‘ boyacı kârhânesinde mütemekkin boyacı esnâfından Aci Kostantin v. Yani nâm zimmî mahrûse-i mezbûrede mahfil-i kazâda Katozlu Aci Varsimi v. Vezini nâm zimmî muvâcehesinde mersûm Aci Varsimi zimmî târih-i i‘lâmdan bir ay mukaddem kârhâne-i merkūmede yedimden ve mâlımdan iktirâz ve kabz eylediği dokuz yüz elli guruş zimmetinde alacak hakkım olmağla hâlâ taleb ederim deyü da‘vâ ettikde ol dahi cevâbında külliyyen ba‘de’l-inkâr müdde‘î-i mesfûr Aci Kostantin ber-vech-i muharrer müdde‘âsını mahallinde lede’t-tezkiye Galata ahâlîsinden olup makbûlü’ş-şehâde idükleri ihbâr olunan Hayyât Karabet v. Kirkor ve İstefan v. Abraham nâm zimmîler şehâdetleriyle mersûm Aci Varsimi muvâcehesinde nehc-i şer‘î üzere isbât etmeğin mûcebince meblağ-ı merkūm dokuz yüz elli guruşu müdde‘î-i mesfûr Aci Kostantin zimmîye edâ ve teslîme mersûm Aci Varsimi zimmîye tenbîh olunduğu bi’[l]-iltimâs huzûr-ı âlîlerine i‘lâm olundu. Fî 15 Receb sene [1]221.