Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 261 Hüküm no: 371 Orijinal metin no: [35b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tâcir Mahmud Beşe’nin havaleden Tâcir Ali Beşe’den iki yüz elli guruş alacağı olduğu Tüccârdan Mahmud Beşe b. Salih nâm kimesne Galata Bâb Mahkemesi’nde meclis-i şer‘de tüccârdan Halil [Ali] Beşe b. Osman muvâcehesinde mezbûr es-Seyyid Ali Beşe zimmetinde cihet-i havâleden bin beş yüz guruşdan bâkī iki yüz elli guruş alacak hakkım olmağla hâlâ taleb ederim deyü da‘vâ eyledikde ol dahi ber-vech-i muharrer tâyi‘an ve kat‘iyyen ikrâr u i‘tirâf etmeğin mûcebince meblağ-ı bâkī-i mezkûr iki yüz elli guruşu müdde‘î-i mezbûr Mahmud Beşe’ye edâsıyla mezbûr es-Seyyid Ali Beşe ilzâm olunduğu bi’l-iltimâs [huzûr-ı âlîlerine i‘lâm olundu.] Fî 22 Receb sene [1]221.