Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 267 Hüküm no: 384 Orijinal metin no: [37a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Makaracı Ahmed Ağa’nın tasarrufunda olan vakıf binanın kullanım hakkını komşusu Şerife Emine’ye beş yüz guruşa devrettiği Makaracı Ahmed Ağa b. Ömer Galata Bâb Mahkemesi’nde meclis-i şer‘de câr-ı mülâsıkı zâtı [mu‘arrefe] Şerife Emine bt. es-Seyyid el-Hâc Mehmed muvâcehesinde mezbûre Emine Hatun’un mutasarrıfe olduğu ashâb-ı hayrâtdan el-Hâc Şa‘ban Ağa Vakfı’ndan bir bâb menzilin kapısından ve havluda taş duvar üzerinde kâin tûlen on iki zirâ‘ on sekiz parmak ve arzan beş zirâ‘ ebniye merhûm Sinan Paşa nâm sâhibü’l-hayrın vakfından benim tasarrufumda olup bu vechile mahâll-i mezkûrun arsası mezbûrenin tasarrufunda ve verâsında olan ebniye-i mezkûre işbu bir kıt‘a i‘lâm-ı şer‘î mantûkunca merhûm-ı mûmâ-ileyh Sinan Paşa Vakfı’ndan benim tasarrufumda iken beynimizde münâza‘a vâki‘ olmağla el-hâletü hâzihî beynimize muslihûn tavassut edip ben zikrolunan taş duvarı tasarrufumda ibkā edip duvar-ı merkūm verâsında mezbûre Emine Hatun’un tasarrufunda olan arsa üzerinde mevcûd tasarrufumda olan tûlen on iki zirâ‘ on sekiz parmak ve arzan beş zirâ‘ ebniyeyi ifrâz edip beş yüz guruş bedel mukābelesinde bâ-re’y-i mütevellî mezbûre Şerife Emine Hatun’a iktizâ eden müeccele-i misliyesiyle ferağ ve tefvîz edip bu vechile kat‘-ı münâza‘a eyledik deyü ikrâr ve tasdîkleri bi’l-iltimâs huzûr-ı âlîlerine i‘lâm olundu. Fî-gurreti Ş sene 1221.