Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 269 Hüküm no: 386 Orijinal metin no: [37b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Maryem bt. İstefan’ın kumaş bedelinden elli guruş alacağı olduğu iddiasıyla Artin v. Manil aleyhine açtığı davada kırk beş guruşa sulh olduğu Galata’da Bereketzâde Mahallesi’nde mütemekkine şahsı mu‘arrefe Maryem bt. İstefan nâm Nasrâniye Galata Bâb Mahkemesi’nde meclis-i şer‘de Artin v. Manil nâm zimmî muvâcehesinde mersûm Artin zimmî zimmetinde yedimden iştirâ ve kabz eylediği iki top İngiltere-kârî beyâz kumaş semeninden yüz guruşdan bâkī elli guruş alacak hakkım olmağla hâlâ taleb ederim deyü tasaddî eylediği da‘vâsından bâ-tavassut-ı muslihîn mersûm Artin zimmî ile kırk beş guruşa ba‘de’s-sulh ve’l-kabûl bedel-i sulh-ı mezkûrdan mâ‘adâ beş guruşa müte‘allika da‘vâdan mersûm Artin zimmînin zimmetini kabûlü hâvî ba‘de’l-ibrâ bedel-i sulh-ı mezkûr kırk beş guruşu müdde‘iye-i mersûme Maryem Nasrâniye’ye edâ ve teslîme mersûm Artin zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 2 Şa‘bân sene 1221.