Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 269 Hüküm no: 387 Orijinal metin no: [37b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalafatçı Abdullah’ın verdiği borcu tahsil ettiği halde riba vermesi için Seyyid Mehmed Reis’e zor kullanılması talebiyle açtığı davanın meşru olmadığı Kalafatçı Abdullah b. Feyzullah nâm kimesne Galata Bâb Mahkemesi’nde meclis-i şer‘de sefîne reislerinden es-Seyyid Mehmed Reis b. es-Seyyid Halil nâm kimesne muvâcehesinde mezbûr es-Seyyid Mehmed bundan akdem yedimden ve mâlımdan iktirâz ve kabz eylediği yüz guruşunu mezbûr es-Seyyid Mehmed Reis bana edâ ve teslîm ben dahi yedinden ahz u kabz etmişidim lâkin meblağ-ı mezkûrdan yüz guruş mukābelesinde bilâ-devr-i şer‘î ribâ nâmıyla bana mâlından yirmi dört guruş vermeğe mezbûr Mehmed Reis’e cebr olunsun deyü tasaddî eylediği da‘vâsı takrîr-i meşrûhu üzere meşrû‘a ve iltifâta şâyân olmayıp mezbûr Mehmed Reis’e bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî-gurreti Şa‘bân sene 1221.