Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 270 Hüküm no: 390 Orijinal metin no: [37b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mehmed Çelebi ve Seyyid Ali Çelebi’nin bir miktar paraları ile gümüş bir saatlerini çaldığı iddiasıyla Kasap Ahmed Beşe aleyhine açtıkları davada iddialarını ispat edemedikleri es-Seyyid Mehmed Çelebi b. Hüseyin ve es-Seyyid Ali Çelebi b. Ahmed nâm kimesne[ler] Galata Bâb Mahkemesi’nde meclis-i şer‘de refîkleri Kasab Ahmed Beşe b. Ahmed muvâcehesinde mezbûr Ahmed Beşe refîkimiz olup mahmiye-i İstanbul’da Ali Paşa Hanı’nda sâkin olduğumuz oda derûnunda mevzû‘ mâlımızdan nakden yedi yüz otuz bir guruş ile yüz elli guruş kıymetli bir sim sa‘atimizi hufyeten bi-gayr-ı hak ahz etmekle hâlâ taleb ederiz deyü da‘vâ eylediklerinde ol dahi cevâbında külliyyen ba‘de’l-inkâr müdde‘iyân-ı mezbûrân ber-vech-i muharrer müdde‘âlarına ikāmet-i beyyine edemeyip tahlîfe dahi tâlibler olmamağın mûcebince müdde‘iyân-ı mezbûrân da‘vâ-yı mezkûreleriyle mezbûr Ahmed Beşe’ye bilâ-beyyine mu‘ârazadan men‘ olunduğu bi’l-iltimâs [huzûr-ı âlîlerine i‘lâm olundu.] Fî 11 Şa‘ban sene [1]221.