Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 843 Hüküm no: 1101 Orijinal metin no: [132b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Efendi b. Sefer’in, Hatice Hatun Vakfı’na olan borcunu ödediği Mahmiye-i İstanbul’da Hatice Hâtun vakfı’na bi’l-fi‘l mütevellî olan Mefharü’l-müderrisîni’l-kirâm Halil Efendi b. Mehmed meclis-i şer‘-i şerîf-i Ahmedî ve mahfil-i dîn-i münîf-i Muhammedî’de bâ‘isü’l-kitâb fahrü’l-eimme Mehmed Efendi b. Sefer nâm kimesne mahzarında ikrâr ve takrîr-i kelâm edip asl-ı mâl-ı vakf-ı mezbûrdan mezbûr Mehmed Efendi zimmetinde olan beş yüz esedî guruşu ve dört ayda üzerine ilzâm ettiğim bin dokuz yüz yirmi akçeyi hâlâ mezbûr Mehmed Efendi bana edâ ve teslîm, ben dahi ahz ve tesellüm ve kabz eyledim, min ba‘d mezbûr Mehmed Efendi zimmetinde mâl-ı vakf-ı mezbûrdan bir akçe ve bir habbe bâkī kalmadı dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâlis aşer min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Fahrü’l-eimme Mehmed Efendi b. Süleyman el-İmâm bi câmi‘-i Nişancı-i Paşa-yı atîk, İbrahim Çelebi b. Hamza Kethüdâ-yı bezzâzistân, Mustafa Çelebi b. Mehmed Ağa, Hamza Çelebi b. Mehmed, Musli Çelebi b. Şaban, Hüseyin b. Abdullah.