Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 273 Hüküm no: 394 Orijinal metin no: [38a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Reis’in sulh bedeli olarak Mustafa Beşe’ye iletmek üzere oğlu Hasan Beşe b. Mustafa Beşe’ye verdiği parayı sulhten pişman olarak geri istemesinin meşru olmadığı Mehmed Reis b. Mehmed Galata Bâb Mahkemesi’nde meclis-i şer‘de Hasan Beşe nâm kimesne muvâcehesinde mezbûr Hasan Beşe’nin babası gāib ani’l-beled Mustafa Beşe bundan akdem vilâyet-i Anadolu’da Bendereğli hâkimi huzûrunda semen-i mebî‘den benden iddi‘â eylediği iki yüz guruş da‘vâsından benimle yüz otuz yedi guruş üzerine sulh olup ben dahi sulh-ı mezkûru ba‘de’l-kabûl ve bedel-i sulh-ı merkūm yüz otuz yedi guruşu mezbûr Hasan Beşe yediyle babası gāib-i mezbûra îsâl ve teslîm etmişidim lâkin ben sulh-ı mezkûra nâdim ve pişmân olup bedel-i sulh-ı merkūmu gāib-i mezbûra mücerred merkūm Hasan Beşe yediyle îsâl ve teslîm etmiş olmamla meblağ-ı merkūmu mezbûr Hasan Beşe’den istirdâd murâd ederim deyü tasaddî eylediği da‘vâsı meşrû‘a ve iltifâta şâyân olmayıp bî-vech mu‘ârazadan men‘ olunduğu bi’l-iltimâs [huzûr-ı âlîlerine i‘lâm olundu.] Fî 10 Şa‘ban sene [1]221.