Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 273 Hüküm no: 395 Orijinal metin no: [38a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Maryem bt. Artin’in karzdan alacağı olduğu iddiasıyla Bogos v. Repayil aleyhine açtığı davada iddiasını ispat edemediği Galata hâricinde Beyoğlu nâm mahalde mütemekkine mu‘arrefetü’ş-şahs Maryem bt. Artin Nasrâniye Galata Bâb Mahkemesi’nde meclis-i şer‘de Bogos v. Repayil zimmî muvâcehesinde mersûm Bogos zimmî zimmetinde cihet-i karzdan yüz yirmi guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘iye-i mersûme ber-vech-i muharrer müdde‘âsına ikāmet-i beyyine edemeyip bi’t-taleb mersûm Bogos zimmî ba‘de’t-tahlîfü’ş-şer‘î mûcebince müdde‘iye-i mersûme Maryem Nasrâniye da‘vâ-yı mezbûresiyle mersûm Bogos zimmîye bilâ-beyyine mu‘ârazadan men‘ olunduğu bi’l-iltimâs [huzûr-ı âlîlerine i‘lâm olundu.] Fî 9 Ş sene [1]221.