Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 279 Hüküm no: 405 Orijinal metin no: [39b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saka Ali Beşe’nin Berber Kaspar’da olan alacağını Bıçakçı Andon’dan istemesinin meşru olmadığı Galata’da sâkin Saka Ali Beşe b. Osman nâm kimesne Galata Bâb Mahkemesi’nde meclis-i şer‘de Bıçakçı Andon v. Merib zimmî muvâcehesinde Galata’da vâki‘ mersûm Andon zimmînin gedik tâ‘bir olunan âlât-ı lâzımesine mâlik olduğu bir kıt‘a berber dükkânında bundan akdem temekkün eden gāib ani’l-beled Berber Kaspar zimmî zimmetinde cihet-i karzdan yüz yetmiş guruş alacak hakkım olup meblağ-ı merkūm kefâleten ve havâleten mersûm Andon zimmînin zimmetinde ta‘alluk etmeyip mücerred mersûm Andon zimmî âlât-ı lâzımeye mâlik olduğuna binâen meblağ-ı merkūmu mâlından bana edâya mersûm Andon zimmîye cebr olunsun deyü takrîr-i meşrûhu üzere tasaddî eylediği da‘vâsı meşrû‘a olmamağla mersûm Andon zimmî bî-vech mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 7 Şa‘bân sene 1221.