Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 284 Hüküm no: 418 Orijinal metin no: [40b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamide bt. Mehmed’in boşandığı kocası İsmail Ağa b. Ahmed’den mehir olarak otuz guruş alacağı olduğu Galata’ya muzâfe kasaba-i Fındıklı’da Molla Çelebi Mahallesi’nde sâkine zâtı mu‘arrefe Hamide bt. Mehmed nâm hatun Galata Bâb Mahkemesi’nde meclis-i şer‘de zevc-i mutallıkı sadr-ı a‘zam tatarlarından İsmail Ağa b. Ahmed nâm kimesne muvâcehesinde mezbûr İsmail Ağa zevc-i dâhilim iken târih-i i‘lâmdan bir sene mukaddem beni tatlîk etmekle zimmetinde mütekarrir ve ma‘kūdun-aleyh mehr-i müeccel hakkım olan otuz guruşu bana vermeyip zimmetinde kalmağla hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr otuz guruşun müdde‘iye-i mezbûre Hamide Hatun’a edâsıyla mezbûr İsmail Ağa ilzâm olunduğu bi’[l]-iltimâs huzûr-ı âlîlerine i‘lâm olundu. Fî 18 Şa‘bân sene 1221.