Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 286 Hüküm no: 422 Orijinal metin no: [41a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkāl Zaharya’nın karz ve kira ücretinden alacağı olduğu iddiasıylaTâcir Nikola aleyhine açtığı davada doksan iki guruşa sulh olduğu Bakkāl Zaharya v. Kostantin zimmî Galata’da mahfil-i kazâda Tüccâr Nikola v. Yani zimmî muvâcehesinde mersûm Nikola zimmetinde cihet-i karzdan yetmiş beş guruş ve dükkân icâresinden dahi kırk guruş ki cem‘an yüz on beş guruş alacağım olmağla hâlâ taleb ederim deyü tasaddî eylediği da‘vâsından bâ-vesâtet-i muslihîn doksan iki guruşa ba‘de’s-sulh ve’l-kabûl mâ‘adâ yirmi üç guruşa müte‘allika da‘vâdan mersûm Nikola zimmînin zimmetini ba‘de’l-ibrâ ve’l-kabûl mûcebince bedel-i sulh-ı mezkûr doksan iki guruşu müdde‘î-i mersûm Zaharya zimmîye edâya mesfûr Nikola zimmîye tenbîh olunduğu huzûr-ı âlîlerine i‘lâm olundu. Fî-selhi Cumâdelâhire sene 1221.