Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 287 Hüküm no: 423 Orijinal metin no: [41a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tütüncü Yuvan’ın duhan bedelinden Reis Ağalu’dan kırk beş guruş alacağı olduğu Tütüncü Yuvan v. Ostrika nâm zimmî Galata Bâb Mahkemesi’nde meclis-i şer‘de sefîne reislerinden Ağalu v. Kostantin nâm zimmî muvâcehesinde mersûm Ağalu zimmî bundan akdem yedimden ve mâlımdan iştirâ ve kabz eylediği beynimizde ma‘lûmü’l-kıyye duhân semeninden zimmetinde kırk beş guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i muharrer müdde‘âsına ikāmet-i beyyine edemeyip bi’t-taleb mersûm Ağalu zimmî ba‘de’t-tahlîfü’ş-şer‘î mûcebince müdde‘î-i mersûm Yuvan zimmî meblağ-ı mezkûr kırk beş guruş mütâlebesiyle mersûm Ağalu zimmîye bilâ-beyyine mu‘ârazadan men‘ olunduğu huzûr-ı âlîlerine i‘lâm olundu. Fî 9 Ş sene 1221.