Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 287 Hüküm no: 424 Orijinal metin no: [41a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mevlüd-i Şerif Vakfı’na ait menzilin kiracılarından, İslamın yasakladığı işleri yapanların çıkarıldığı Mahrûse-i Galata hâricinde Kalafatçıbaşı Yunus Ağa Mahallesi’nde kâin Mehmed Tahir Ağazâde Mehmed Emin Efendi dâ‘îlerinin Mevlüd-i Şerîf Vakfı akārâtından bir bâb menzilin müstecirleri tâife-i milel-i muhtelifeden cemî‘ menhiyyâtı mürtekib oldukları tahkīk olunmağla bu misillü menhiyyâtı mürtekib müstecirleri ihrâc ve îrâd-ı vakfı vikāye zımnında kefîle rabt olunarak mu‘temed kimesneler iskân olunmak bâbında yedinden mukaddemce beyâz üzerine şeref-rîz-i sudûr eden fermân-ı âlîye imtisâlen on bir nefer müstecirlerden ancak iki neferi ihrâc mâ‘adâsı ber-mûceb-i defter-i müfredât nefslerine başka başka kefîl verip cümlesine dahi mûmâ-ileyh efendi dâ‘îleri tekeffül eylediği tescîl bi’[l]-iltimâs [huzûr-ı âlîlerine i‘lâm olundu.] Fî-evâhiri Cumâdelâhire sene 1221.