Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 290 Hüküm no: 431 Orijinal metin no: [41b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tâcir İstavri’nin sandıkçı esnafından Hacı Mahmud, Hüseyin ve İbrahim aleyhine açtığı alacak davasında on beş guruşa sulh olduğu Tüccârdan İstavri v. Nikola zimmî Galata Bâb Mahkemesi’nde meclis-i şer‘-i münîrde sandıkçı esnâfından el-Hâc Mahmud b. Mehmed ve Hüseyin b. Mustafa ve İbrahim b. Hasan nâm kimesneler muvâcehelerinde mezbûrûn zimmetlerinde cihet-i deyn-i şer‘îden beş yüz yetmiş yedi buçuk guruş alacak hakkımdan bâkī otuz guruşu hâlâ taleb ederim deyü tasaddî eylediği da‘vâmdan bâ-vesâtet-i muslihîn mezbûrûn ile on beş guruşa ba‘de’s-sulh ve’l-kabûl mâ‘adâya müte‘allika da‘vâdan mezbûrûnun zimmetlerini kabûllerini hâvî ba‘de’l-ibrâ mûcebince bedel-i sulh-ı merkūm on beş guruşun müdde‘î-i mersûma bi’t-taleb edâsıyla mezbûrûn ilzâm olunduğu bi’[l]-iltimâs huzûr-ı âlîlerine i‘lâm olundu. Fî 27 Ş sene 1221.