Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 291 Hüküm no: 433 Orijinal metin no: [42a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Beşe’nin kiracısı olduğu aşçı dükkanını tamir etmek üzere dükkanın mutasarrıfı Bilal Beşe’den “bana vaadi var” diyerek para talep etmesinin meşru olmadığı Galata hısnı ebvâbından Azabkapısı hâricinde vâki‘ bir kıt‘a aşçı dükkânı derûnunda mevcûde gedik tâ‘bir olunur âlâta mâlik olan İbrahim Beşe b. İbrahim nâm kimesne Galata’da mahfil-i kazâda dükkân-ı mezkûrun bi’l-icâreteyn mutasarrıfı Bilal Beşe b. Ali nâm kimesne muvâcehesinde ben mezbûrun dükkânında müsteciren sâkin olmamla dükkân-ı merkūm ta‘mîre muhtâc olup ben dahi ta‘mîr murâd eylediğimde dükkân-ı merkūmun ta‘mîrine sarf için mutasarrıfı mezbûr Bilal Beşe mâlından bana yüz elli guruş vermeğe va‘ad etmekle mücerred va‘ad-i mezkûruna binâen meblağ-ı mezkûr yüz elli guruşu mezbûr Bilal Beşe’den taleb ederim deyü tasaddî eylediği da‘vâsı takrîr-i meşrûhu üzere meşrû‘a olmayıp mezbûr Bilal Beşe’ye bî-vech mu‘ârazadan men‘ olunduğu bi’[l]-iltimâs [huzûr-ı âlîlerine i‘lâm olundu.] Fî 27 Ş sene 1221.