Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 295 Hüküm no: 442 Orijinal metin no: [42b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Beşe’nin Hacı İbrahim Ağa’da olan alacağından dolayı ortağı Mustafa Reis’den kefil olmasını istemesinin meşru olmadığı Hasan Beşe b. Ahmed nâm kimesne Galata Bâb Mahkemesi’nde meclis-i şer‘de sefîne reislerinden Mustafa Reis b. Mahmud nâm kimesne muvâcehesinde Bahr-ı siyah cânibinde İnebolu kazâsına tâbi‘ Mesed karyesinde sâkin el-Hâc İbrahim Ağa nâm kimesneye ücret kavlinsiz iki sene hizmet edip müddet-i mezkûrede eylediğim hizmetimin ecr-i misli olan iki yüz kırk guruşu mezbûr Mustafa Reis merkūm el-Hâc İbrahim Ağa’nın sefînede şerîki olduğuna binâen bana mâlından zâmin olsun deyü tasaddî eylediği da‘vâsı takrîr-i meşrûhu üzere meşrû‘a ve iltifâta şâyân olmayıp mezbûr Mustafa Reis’e bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 9 Ramazan sene 1221.