Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 297 Hüküm no: 448 Orijinal metin no: [43a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çizmeci Seron’un çizme bedelinden alacağı olduğu iddiasıyla Çizmeci Agop aleyhine açtığı davada yetmiş guruşa sulh olduğu Çizmeci esnâfından Seron v. Asvador nâm zimmî Galata Bâb Mahkemesi’nde meclis-i şer‘de yine esnâf-ı merkūmeden Agop v. Ağya nâm zimmî muvâcehesinde mersûm Agop zimmetinde elli çift siyah çizme semenlerinden cem‘an iki yüz guruş alacak hakkım olmağla hâlâ taleb ederim deyü tasaddî eylediğim da‘vâmdan bâ-vesâtet-i muslihîn mersûm Agop zimmî ile yetmiş guruş bedel-i makbûza ba‘de’s-sulh ve’l-kabûl mâ‘adâ yüz otuz guruşa ve bedel-i sulh-ı merkūma müte‘allika da‘vâdan herbirimiz âharın zimmetini ibrâ ve iskāt eyleyip ve herbirimiz ber-vech-i muharrer âharın ibrâsını kabûl-birle kat‘-ı münâza‘a eyledik deyü ikrâr ve tasdîkleri tescîl bi’[l]-iltimâs huzûr-ı âlîlerine i‘lâm olundu. Fî 15 C sene 1221.