Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 297 Hüküm no: 449 Orijinal metin no: [43a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mihal v. Yamandi’nin kiracı olarak oturduğu evi üç ay içerisinde tahliye edip mutasarrıfları Avramaki v. Nikola ve kardeşi İstavraki’ye teslime söz verdiği Galata’da Sultan Bayezid Mahallesi’nde mütemekkin sâhib-i arzuhâl husûs-ı âtîde kendi nefsinden asâleten ve li-ebeveyn er karındaşı İstavraki nâm zimmî tarafından vekîl olduğu Mihal v. Yamandi ve Dimitri v. Kosti nâm zimmîler şehâdetleriyle sâbit olan Avramaki v. Nikola nâm zimmî Galata Bâb Mahkemesi’nde meclis-i şer‘de derûn-ı arzuhâlde mersûmü’l-ism diğer Mihal v. Yamandi nâm zimmî muvâcehesinde mersûm Mihal zimmî mahalle-i mezkûrede vâki‘ mutasarrıf olduğumuz bir bâb menzilimizde beher şehr yetmiş guruş icâre ile müstecirimiz olup bu esnâda mersûm diğer Mihal zimmîyi menzil-i mezkûrdan bi’l-asâle ve bi’l-vekâle ihrâca tasaddî-birle beynimizde münâza‘ât vâkı‘a olmuş idi el-hâletü hâzihî beynimize muslihîn tavassut edip müstecir-i mersûm diğer Mihal zimmî işbu târih-i i‘lâmdan üç ay tamamında menzil-i mezkûru tahliye ve bilâ-cevr ve ezâ hâliyeten bana teslîme ta‘ahhüd eyledikde ben dahi bi’l-asâle ve bi’l-vekâle râzı olup bu vechile kat‘-ı münâza‘a eyledi deyü ikrâr ve tasdîkleri tescîl bi’[l]-iltimâs huzûr-ı âlîlerine i‘lâm olundu. Fî 28 N sene 1221.