Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 299 Hüküm no: 452 Orijinal metin no: [43b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Çavuş’un havaleden Yağcı Halil Beşe’den dört yüz seksen bir guruş alacağı olduğu Dîvânhâne çavuşlarından Ali Çavuş b. Ebûbekir nâm kimesne Galata Bâb Mahkemesi’nde meclis-i şer‘de yağcı esnâfından Halil Beşe b. Ahmed muvâcehesinde işbu hâzır bi’l-meclis İsrail v. İsak Yahûdi zimmetinde cihet-i karzdan dört yüz seksen bir guruş alacak hakkım olup mersûm İsrail’in dahi mezbûr Halil Beşe zimmetinde ma‘lûmü’l-vezn kaşar peyniri semeninden dört yüz seksen bir guruş alacak hakkı olmağla medyûnum hâzır-ı mersûm İsrail Yahûdi deyn-i mezkûru üçümüz bir meclisde iken beni mezbûr Halil Beşe üzerine havâle-i mukayyede-i sahîha-i şer‘iyye ile havâle ve herbirimiz ber-vech-i muharrer havâle-i mezkûreyi kabûl eyledikden sonra meblağ-ı merkūm dört yüz seksen bir guruşu mezbûr Halil Beşe’den bi-hükmi’l-havâle hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı merkūm dört yüz seksen bir guruşu müdde‘î-i mezbûr Ali Çavuş’a bi-hükmi’l-havâle edâsıyla mezbûr Halil Beşe ilzâm olunduğu bi’[l]-iltimâs huzûr-ı âlîlerine i‘lâm olundu. Fî 7 L sene 1221.